“Mançester Siti”nin baş məşqçisi Xosep Qvardiola İngiltərə təmsilçisi ilə müqavilənin müddətini uzatmaq istəyir.
“Report” “The Telegraph”a istinadən xəbər verir ki, 48 yaşlı mütəxəssis “şəhərlilər”lə 2023-cü ilə qədər sözləşmə imzalamaq niyyətindədir. Onun hazırkı müqaviləsinin müddəti 2021-ci ilin yayına qədər nəzərdə tutulub.
X.Qvardiola 2016-cı ilin iyulundan rəhbərlik etdiyi “Mançester Siti” ilə bir dəfə Premyer Liqanın qalib olmaqla yanaşı, eyni sayda İngiltərə Superkubokunu əldə edib. O həmçinin iki dəfə İngiltərə Liqa Kubokunda uğur qazanıb.
Qeyd edək ki, “Mançester Siti” Premyer Liqada geridə qalan 30 turdan sonra 74 xalla liderdir. “Şəhərlilər” Çempionlar Liqasının 1/8 final mərhələsinin Almaniyada baş tutan ilk oyununda “Şalke”ni 3:2 hesabı ilə məğlub edib.