Yuxarı

Qurban Qurbanov: "Onlar öz oyunları ilə bizə ciddi problemlər yarada bildilər"

Qurban Qurbanov: "Onlar öz oyunları ilə bizə ciddi problemlər yarada bildilər"

Bakı. 5 iyun. REPORT.AZ/ "İlk növbədə, rəqibi qələbə münasibətilə təbrik edirəm. Komandamızın problemləri barədə öz aramızda danışacağıq. Qazaxıstan isə yaxşı oynadı. Biz ilk 20 dəqiqədə uduzduq. Sonradan toparlanaraq yaxşı oyun sərgiləməyə çalışdıq. Lakin bu, mənim gözlədiyim oyun deyildi".

"Report" xəbər verir ki, bunu Azərbaycan milli komandasının baş məşqçisi Qurban Qurbanov səfərdə Qazaxıstan yığmasına 0:3 hesabı ilə uduzduqları yoldaşlıq görüşündən sonra mətbuat konfransında deyib. 46 yaşlı mütəxəssis jurnalistlərin suallarını da cavablandırıb...

- Qazaxıstan millisi sizi nə iləsə təəccübləndirdi? 

- Oyunun çətin olacağını bilirdik. Qazaxıstan futbolu hazırda inkişafdadır və bu, təkcə klub səviyyəsində deyil.

- Komandanız sanki erkən qolu buraxdıqdan sonra dağıldı. Buna səbəb nə oldu?

- Komandamızın buna hazır olduğunu desəm, inanmazsınız. Lakin biz bilirdik ki, rəqib ilk dəqiqələrdən pressinq edəcək. Komandama bu təzyiqlərin qarşısını almaq üçün güc çatmadı.

- İkinci hissənin ortalarında əvəzləmələr etdiniz. Gənclərə oyun imkanı yaratdınız, yoxsa oyunu xilas edənləri axtarırdınız?

- Xeyr, burada məsələ tamamilə başqadır. Mən heyətdə dəyişiklikər etdim. Əvəzləmələr gələn oyunlarda meydana çıxa biləcəklərini futbolçulara göstərməkdir.

- Qazaxıstan yığmasının heyətində kimi qeyd edərdiniz?

- Qeyd etdiyim kimi, qazaxıstanlılar xüsusən hücumda artırıblar. Komanda topa daha yaxşı nəzarət etməyə, hücumlar qurmağa başlayıb. Hücum xəttindəki oyunçuları qeyd edərdim. Onlar öz oyunları ilə bizə ciddi problemlər yarada bildilər.

- Bir neçə gün əvvəl Qırğızıstana qalib gəlmişdiniz. Qırğızıstan və Qazaxıstanı müqayisə edə bilərsiniz? 

- Fərq ciddidir. Lakin müqayisə etmək istəmirəm. Qazaxıstan yığması əhəmiyyətli dərəcədə güclüdür.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi