Yuxarı

"Qızıl top"a son 3 namizəd müəyyənləşib

İlin futbolçusu Lionel Messi, Kriştianu Ronaldu və Manuel Noyer arasından seçiləcək

Bakı. 1 dekabr. REPORT.AZ/ 2014-cü ilin yekunlarına əsasən, FİFA-nın "Qızıl top" mükafatına namizədlərin yekun "üçlüy"ü müəyyənləşib. "Report"un xəbərinə görə, bu barədə "R-Sport"a Təşkilat Komitəsindəki mənbə məlumat verib. 

Həmin futbolçular İspaniyanın "Barselona" klubunun hücumçusu Lionel Messi, "Real Madrid" komandasının forvardı Kriştianu Ronaldu və Almaniya "Bavariya"sının qapıçısı Manuel Noyerdir. Onlardan Messi "Qızıl top"un 4 qat, Ronaldu isə 2 qat qalibidir. Qapıçılar arasında indiyədək yeganə "Qızıl top" isə keçmiş SSRİ yığmasının qolkiperi Lev Yaşinə məxsusdur. Yaşin 1963-cü ildə təltif olunub. 

Qeyd edək ki, ilin oyunçusu 2015-ci il yanvarın 12-də İsveçrənin Sürix şəhərində keçiriləcək mərasimdə açıqlanacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi