Yuxarı

“Qəbələ”yə qol vuran futbolçu: “Yaxşı oyun keçirdik və intizamlı davrandıq”

“Qəbələ”yə qol vuran futbolçu: “Yaxşı oyun keçirdik və intizamlı davrandıq”
“Qarşıda hələ daha bir 90 dəqiqə var”

Bakı. 28 iyul. REPORT.AZ/ “Biz doğru yoldayıq. Yaxşı oyun keçirdik və intizamlı davrandıq. Lakin qarşıda hələ daha bir 90 dəqiqə var”. “Report”un sport24.ge saytına istinadən verdiyi məlumata görə, bunu futbol üzrə Avropa Liqasının III təsnifat mərhələsinin ilk oyununda Yunanıstan təmsilçisi “Panatinaikos”a “Qəbələ” üzərində qələbə qazandıran yeganə qolun müəllifi Gilyermo Molins deyib.

Matçın 37-ci dəqiqəsində penaltidən fərqlənən 29 yaşlı uruqvaylı hücumçu zədədən sonra meydana qayıtdığı üçün sevincini ifadə edib: “Ciddi zədə keçirdim, bərpa olunmaq üçün 3 ay lazım oldu. Lakin artıq hazıram və məşqçi mənə şans verir. Hücumçu imkan əldə edəndə qarşısında məqsəd qoyur. Mən də bunu edirəm. Bir sıra oyunçularımız getdi və onların əvəzinə yeniləri gəldi. Tədricən uyğunlaşmağa çalışırıq”.

Qeyd edək ki, bu kollektivlər arasında cavab görüşü avqustun 3-də Bakıdakı "Bakcell Arena"da keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi