Yuxarı
    Bağlamaq

    "Qəbələ"yə 4 qol vuran hücumçu ilin futbolçusu seçilib

    Obameyanq Afrikada bu mükafata layiq görülüb

    Bakı. 8 yanvar. REPORT.AZ/ Qabon millisinin və Almaniyanın "Borussiya" (Dortmund) klubunun futbolçusu Pyer-Emerik Obameyanq Afrikada 2015-ci ilin ən yaxşı futbolçusu seçilib. "Report"un məlumatına görə, 26 yaşlı hücumçu İngiltərənin "Mançester Siti" komandasının yarımmüdafiəçisi Yaya Ture və "Suonsi"nin hücumçusu Andre Ayyunu qabaqlayıb.

    Obameyanq futbolçu karyerası ərzində ilk dəfədir ki, bu mükafata layiq görülür. İlin ən yaxşı baş məşqçisi adını Kot d`İvuar yığmasının sabiq baş məşqçisi Erve Renar qazanıb.

    Qeyd edək ki, Avropa Liqasının qrup mərhələsində "Qəbələ"nin rəqibi olan "Borussiya"nın futbolçusu "qırmızı-qaralar"ın qapısından 2 oyuna 4 top keçirib. O, ilk 3 qolu Bakıdakı görüşdə, sonuncusunu isə Dortmundda vurub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi