Yuxarı

​"Qəbələ" və "Qarabağ" Avropa Liqasının qrup mərhələsində son oyunlarını keçirəcək

Qəbələ Bakıda, Qarabağ isə Belçikada meydana çıxacaq

Bakı. 10 dekabr. REPORT.AZ/ Bu gecə Azərbaycanın "Qəbələ" və "Qarabağ" klubları Avropa Liqasının qrup mərhələsində son oyunlarını keçirəcəklər. "Report"un məlumatına görə, "qırmızı-qaralar" Bakıda Rusiya "Krasnodar"ına, Ağdam təmsilçisi isə Belçikada "Anderlext"ə qarşı mübarizə aparacaq.

"Bakcell Arena"da keçiriləcək matçın start fiti saat 22:00-da səslənəcək. Qarşılaşma Rusiya təmsilçisi üçün daha çox önəm daşıyır. "Krasnodar" Bakıdan qələbə ilə dönəcəyi təqdirdə qrup mərhələsini ilk pillədə başa vuracaq. "Qəbələ" isə ən yaxşı halda Avropa Liqasında debütünü 3-cülüklə yekunlaşdıra bilər. Bunun üçün Yunanıstanın PAOK klubu Almaniyada "Borussiya" (Dortmund) komandasına məğlub olmalıdır.

"Qarabağ" isə Brüsseldə növbəti mərhələyə vəsiqə qazanmaq üçün yarışacaq. Qurban Qurbanovun rəhbərlik etdiyi komanda qrupdan çıxmaq üçün ilk növbədə, "Anderlext"i səfərdə də məğlub etməlidir. Belədə gözlər İngiltərə "Tottenhem"i və Fransa "Monako"su arasında keçiriləcək oyuna yönələcək. "Qarabağ"ın Avroliqada yoluna davam etməsi üçün Londondakı görüşdə meydan sahibləri uduzmamalıdır. Artıq bu qrupdan "Tottenhem" 1/16 finala vəsiqəni təmin edib. 

Avropa Liqası, VI tur

10 dekabr

22:00. "Qəbələ" (Azərbaycan) - "Krasnodar" (Rusiya)

Baş hakim: İştvan Kovaç

Yan xətt hakimləri: Mikloş İştvan Nagi, Vasile Florin Marinesku

Əlavə köməkçi hakimlər: Pavel Kristian Balay, Marius Avram

Dördüncü hakim: Mixai Ovidiu Artene (hamısı Rumıniya)

Hakim-inspektor: Kay Natri (Finlandiya)

UEFA nümayəndəsi: Skott Struters (Şotlandiya)

Bakı. "Bakcell Arena".

Xal durumu: "Krasnodar" - 10. "Borussiya" - 10. PAOK - 4. "Qəbələ" - 2.


11 dekabr

00:05. "Anderlext" (Belçika) - "Qarabağ" (Azərbaycan)

Baş hakim: Slavko Vinçiç

Yan xətt hakimləri: Boyan Ul, Tomaş Klançnik

Əlavə köməkçi hakimlər: Roberto Ponis, Draqoslav Periç

Dördüncü hakim: Andras Kovaçiç (hamısı Sloveniya)

Hakim-inspektor: İqor İşenko (Ukrayna)

UEFA nümayəndəsi: Qabriel Vayss (Slovakiya)

Brüssel. Konstant Vanden Stok Stadionu.

Xal durumu: "Tottenhem" - 10. "Anderlext" - 7. "Monako" - 6. "Qarabağ" - 4.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi