Bakı. 7 noyabr. REPORT.AZ/ "Qəbələ"nin 19 yaşadək futbolçulardan ibarət komandası bu gün UEFA Gənclər Liqasının Çempionlar Yolunun II mərhələsində ilk oyununu keçirəcək.
"Report" xəbər verir ki, "qırmızı-qaralar”ın rəqibi Almaniya “Herta”sı olacaq. Emin İmaməliyevin baş məşqçi olduğu komanda ilk görüşə Qəbələ şəhər stadionunda çıxacaq. Matç saat 17:00-da başlayacaq. Qarşılaşmanı Daniyar Saxinin rəhbərliyi altında qazaxıstanlı hakimlər briqadası idarə edəcək.
Bu cütün qalibi 1/16 finalda Çempionlar Liqası Yulunun qruplarında 2-ci yeri tutan 8 kollektivdən biri ilə üz-üzə gələcək.
"Qəbələ" I mərhələdə Moldova "Şerif"ini iki oyunun nəticəsinə əsasən məğlub edərək növbəti mərhələyə yüksəlib - 1:1, 3:1.
UEFA Gənclər Liqası
Çempionlar yolu
II mərhələ, ilk oyun
7 noyabr
17:00 "Qəbələ" (Azərbaycan) - "Herta" (Berlin, Almaniya)
Hakimlər: Daniyar Saxi, Rustam Matyakubov, Maral Abdikerov (hamısı Qazaxıstan), İnqilab Məmmədov (Azərbaycan)
Qəbələ şəhər stadionu
Qeyd edək ki, cavab oyunu noyabrın 28-də Berlində keçiriləcək.