Yuxarı
    Bağlamaq

    ​“Qəbələ” "İnter"lə heç-heçə oynayıb

    “Qırmızı-qaralar” matçın sonlarına yaxın qələbəni əldən veriblər

    Bakı. 21 dekabr. REPORT.AZ/ Bu gün futbol üzrə Topaz Premyer Liqasının XVIII və 2014-cü ilin son turunun oyunları keçirilib.

    "Report" xəbər verir ki,  Qəbələnin eyniadlı klubun doğma meydanda "İnter"i qəbul edib.

    Qəbələ şəhər stadionunda baş tutan matç 1-1 hesabı ilə başa çatıb.

    Oyuna daha fəal başlayan meydan sahibləri 38-ci dəqiqədə öz istəklərinə çatıblar. Dodo adını tabloya yazdırıb. İlk hissə “qırmızı-qaralar”ın 1:0 hesablı üstünlüyü ilə başa çatıb. İkinci hissəyə qonaqlar fəal başlayıb. Görüşün 67-ci dəqiqəsində Məhəmməd Mirzəbəyov hesabı bərabərləşdirib.

    Turun digər görüşlərində bu nəticələr qeydə alınıb:

    "Xəzər Lənkəran" 1-1 AZAL

    "Qarabağ" 2-0 "Sumqayıt"

    "Simurq" - "Bakı" matçı isə əlverişsiz hava şəraiti üzündən dekabrın 22-nə keçirilib. 

    XIV turun oyunları 2015-ci il yanvarın 30-dan etibarən başlayacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi