Yuxarı
    Bağlamaq

    ​"Qəbələ"nin futbolçusu Teo Uiks: "Sonadək öz oyunumuzu sərgiləyə bildik"

    Çox şadam ki, turu keçən biz olduq

    Bakı. 5 avqust. REPORT.AZ/ "Demişdim ki çətin oyun olacaq. Belə də oldu. Sonda turu keçən tərəf biz olduq".

    "Report"un məlumatına görə, bunu "Qəbələ"nin futbolçusu Teo Uiks Avropa Liqasının III təsnifat mərhələsində Fransa "Lill"i üzərində 1:0 hesablı qələbə qazandıqları cavab görüşündən sonra deyib.

    Liberiyalı yarımmüdafiəçi bildirib ki, Fransa Liqasını 5-ci pillədə başa vurmuş komandanı üstələmələrindən çox məmnundur: "Fransa Liqasını 5-ci yerdə tamamlayan bir komanda ilə qarşılaşdıq. Çətin rəqib idi. İlk oyunun 2-ci hissəsində yaxşı təsir bağışlamamışdıq. Amma bu gün sonadək öz oyunumuzu sərgiləyə bildik. Çünki evimizdə oynayırdıq. Çox şadam ki, turu keçən biz olduq. İndi isə qrup mərhələsinə qatılma şansımız var".

    Uiks növbəti matçlara daha yüksək motivasiya ilə çıxacaqlarını və öz oyunlarını sərgiləməkdə davam edəcəklərini vurğulayıb. Onun fikrincə, "Qəbələ"nin qrup mərhələsinə vəsiqə qazanmaq üçün böyük şansımız var.

    26 yaşlı oyunçu deyib ki, Ukrayna "Şaxtyor"unun onunla maraqlanmasından xəbərdardır. Amma o, hələlik məqsədinin "Qəbələ"yə öz oyunu ilə kömək etməkdən ibarət olduğunu vurğulayıb: "Çünki hazırda bu klubun futbolçusuyam. Gələcəkdə hansısa təklif olsa, komandadan ayrıla bilərəm. Çünki öz karyeramı da düşünməliyəm".

    Qeyd edək ki, Teo Uiks "Qəbələ"yə yay transfer dövründə keçib. O, Avropa Liqasının təsnifat mərhələlərində 6 oyuna 5 qol vurub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi