Yuxarı

"Qəbələ"nin Avropa Liqasındakı səfər oyunlarının başlama vaxtı və stadionları açıqlanıb

İlk oyun Bakı vaxtı ilə saat 21:00-da başlayacaq

Bakı. 27 avqust. REPORT.AZ/ Avropa Liqasının C qrupunda mübarizə aparacaq "Qəbələ" klubunun səfər oyunlarının başlama vaxtı və stadionları açıqlanıb. 

"Report"un UEFA-nın rəsmi saytına istinadən verdiyi məlumata görə, "qırmızı-qaralar" ilk oyununa Belçikanın paytaxtı Brüsseldə çıxacaq.

"Anderlext"lə oyun sentyabrın 15-də "Konstant Vanden Stok" stadionunda baş tutacaq. Qarşılaşmanın start fiti Bakı vaxtı ilə saat 21:00-da səslənəcək. "Qırmızı-qaralar"ın oktyabrın 20-də Fransa "Sent-Etyen"i ilə görüşü eyniadlı şəhərdə yerləşən "Joffrua Qişar" stadionunda olacaq. Həmin oyun Bakı vaxtı ilə saat 23:05-də başlayacaq. Azərbaycan təmsilçisinin Almaniya "Maynts"ına qarşı keçirəcəyi görüşün başlama vaxtı isə Bakı vaxtı ilə saat 21:00 göstərilib. Komandalar Maynts şəhərində yerləşən "Kofas Arena"da münasibətlərinə aydınlıq gətirəcək.

"Qəbələ"nin ev oyunlarının başlama vaxtı açıqlanmasa da, hər üçn görüşün "Bakcell Arena"da keçiriləcəyi göstərilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi