Yuxarı
    Bağlamaq

    ​"Qəbələ" klubunun futbolçusu üç həftəlik sıradan çıxıb

    Braziliyalı futbolçunun diz bağlarında zədə aşkarlanıb

    Bakı. 5 mart. REPORT.AZ/ "Qəbələ" klubunun futbolçusu Dodo zədə səbəbindən üç həftə yaşıl meydanlardan kənarda qalacaq. 

    "Report"un klubun rəsmi saytına istinadən verdiyi məlumatına görə, braziliyalı yarımmüdafiəçi Azərbaycan Kubokunun 1/4 final mərhələsində Zaqatala "Simurq"u ilə keçirilmiş ilk görüşdə zədələnib.

    O, 72-ci dəqiqədə sürüşmə fəndini uğursuz yerinə yetirib. Nəticədə Dodo ayağından xəsarət alaraq meydanı xərəkdə tərk etməli olub. Futbolçu yerini Ruslan Fominə verib. Tibbi müayinədən sonra futbolçunun diz bağlarında zədə aşkarlanıb.

    Qeyd edək ki, Dodo ən azı Azərbaycan Premyer Liqasının XXV və XXVI turunda "Sumqayıt" və "İnter" komandaları ilə keçiriləcək oyunu buraxacaq. XXVII turda istirahət edəcək "Qəbələ" bir tur sonra AZAL-ın qonağı olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi