Yuxarı
    Bağlamaq

    "Qəbələ" klubu tarixində ilk dəfə Azərbaycan Premyer Liqasının gümüş medalını qazanıb

    Çempionatın bütün medalçılarının adları müəyyənləşib

    Bakı. 24 aprel. REPORT.AZ/ "Qəbələ" futbol komandası tarixi nailiyyətə imza atıb. "Report"un məlumatına görə, "qırmızı-qaralar" ilk dəfə Azərbaycan Premyer Liqasını gümüş medalla başa vurublar.

    Bunadək komandanın ən yüksək göstəricisi ardıcıl 3 mövsüm əldə etdiyi bürünc medal olub. Bu dəfə əyalət təmsilçisi sona bir tur qalmış "İnter"i 4:3 hesabı ilə yenərək, vaxtından əvvəl 2-ci yeri təmin edib. Hazırda 52 xalı olan "Qəbələ" 3-cü pillədəki "İnter"i 9 xal üstələyir.

    Gümüş medala rəğmən, "qırmızı-qaralar" 2017-2018 mövsümündə də Azərbaycanı Avropa Liqasında təmsil edəcək. Roman Qriqorçukun baş məşqçi olduğu komanda "İnter"lə birgə mübarizəyə I təsnifat mərhələsindən başlayacaq. Daha bir vəsiqənin sahibi isə sonuncu turda müəyyənləşəcək. Son vəsiqəyə ya "Zirə", ya da "Kəpəz" sahib çıxacaq. 

    Qeyd edək ki, Azərbaycanı Çempionlar Liqasında ardıcıl 4-cü mövsüm qızıl medala sahib çıxan "Qarabağ" təmsil edəcək.  

    Azərbaycan Premyer Liqası, XXVII tur 

    24 aprel (bazar ertəsi)

    14:30. "Qəbələ” – “İnter” 4:3 

    Qollar: Rikardinyo, 14. Sergey Zenyov, 26. Adrian Skarlatake, 33 (öz qapısına). Tellur Mütəllimov, 90 - Rauf Əliyev, 3; 77. Elnur Abdullayev, 73 

    Hakimlər: Rauf Cabbarov, Nahid Əliyev, Vüsal Qənbərov, Ziya Nəsirov 

    AFFA nümayəndəsi: Eldar Qasımov

    Hakim-inspektor: Şahin Cəfərov 

    Qəbələ şəhər stadionu 

    İlk üç dövrə - 0:0, 1:1, 2:0

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi