Bakı. 22 sentyabr. REPORT.AZ/ Futbol üzrə Azərbaycan Premyer Liqasının III turundan təxirə salınmış "Qəbələ" - "Sumqayıt" oyunu keçirilib.
"Report"un məlumatına görə, Qəbələ şəhər stadionunda baş tutmuş qarşılaşma meydan sahiblərinin qələbəsi ilə yekunlaşıb.
Hər iki qol oyunun son dəqiqələrində vurulub. Çempionatın bombardiri Baqali Dabo "dubl" edərək, aktivindəki qolların sayını 6-ya çatdırıb. "Qəbələ" isə 13 xalla liderliyə yüksəlib. Əvəzində Samir Abasovun komandası 4 xalla 6-cı pillədə qalıb.
Azərbaycan Premyer Liqası
III tur, təxirə salınmış oyun
22 sentyabr
17:00. "Qəbələ" – "Sumqayıt" - 2:0
Qollar: Baqali Dabo, 85; 90
Hakimlər: Rauf Cabbarov, Mübariz Haşımov, Rahil Ramazanov, Rəvan Həmzəzadə
AFFA nümayəndəsi: Abbas Hüseynov
Hakim-inspektor: Şahin Cəfərov
Qəbələ şəhər stadionu (CBC Sport)