Yuxarı
    Bağlamaq

    ​"Qəbələ" klubu Ruslan Abışovu heyətinə qatıb - YENİLƏNİB

    Futbolçu ilə birillik müqavilə imzalanıb

    Bakı. 14 sentyabr. REPORT.AZ/ "Qəbələ" klubu Vüqar Nadirovun ardından daha bir futbolçu ilə müqavilə imzalayıb. "Report"un klubun saytına istinadən verdiyi məlumata görə, ötən mövsüm "qırmızı-qara" formada çıxış edən Ruslan Abışovla mövsümün sonunadək müqavilə imzalanıb.

    28 yaşlı müdafiəçi 2015-ci ilin yayında "Qəbələ"dən ayrılıb və "Xəzər Lənkəran"la anlaşıb. Lakin FİFA-nın cənublulara qoyduğu transfer qadağası səbəbindən keçid baş tutmayıb.

    Ruslan Abışov karyerası ərzində "Neftçi" (2006-2012), "Xəzər Lənkəran" (2012-2013), "Rubin" (Kazan, Rusiya) (2013-2015) və "Qəbələ"də (2014-2015) çıxış edib. R.Abışov Azərbaycan millisinin heyətində 45 oyun keçirib və 4 qol vurub.

    *** 13:26

    "Qəbələ" klubu bu gün futbolçu Ruslan Abışovla müqavilə imzalayacaq. Bu barədə "Report"a klubun meneceri Səbuhi Səfiyarlı məlumat verib.

    Onun sözlərinə görə, 27 yaşlı müdafiəçi ilə birillik müqaviləyə qol çəkiləcək. R.Abışov mövsüm sonunadək "Qəbələ"də çıxış edəcək.

    Azərbaycan milli komandasının futbolçusunun "qırmızı-qaralar"ın axşam məşqində çıxış edəcəyi gözlənilir.

    Qeyd edək ki, Ruslan Abışov "Neftçi", "Xəzər Lənkəran" və "Rubin" (Kazan, Rusiya) klublarında çıxış edib. Onun sonuncu klubu "Qəbələ" olub. Futbolçu yay transfer pəncərəsində "Xəzər Lənkəran"la anlaşsa da, FİFA-nın cənublulara qoyduğu transfer qadağası səbəbindən keçid baş tutmayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi