Yuxarı
    Bağlamaq

    "Qəbələ" klubu hollandiyalı müdafiəçi transfer edib

    Dion Malone ilə 2 illik müqavilə bağlanılıb

    Bakı. 24 iyun. REPORT.AZ/ “Qəbələ” klubu daha bir futbol transferini gerçəkləşdirib. 

    "Report"un klubun rəsmi saytına istinadən verdiyi məlumata görə, Surinam əsilli hollandiyalı oyunçu Dion Malone ilə 2 illik müqavilə bağlanılıb.

    28 yaşlı sağ cinah müdafiəçisinin karyerası Hollandiya klubları ilə bağlı olub. “Omnivorld” klubunun yeniyetmə komandalarında çıxış edən Malone peşəkar karyerasına 2008-ci ildə başlayıb. O, 2012-ci ilədək bu klubun əsas komandasında çıxış edib. 2010-cu ilədək “Omnivorld” adlanan klub sonradan adını dəyişərək “Almere Siti”yə çevrilib. Dion 2012-ci ildə digər Hollandiya klubu “Den Haaq”a keçib və 5 mövsüm bu klubun uğurları üçün çalışıb.

    Qeyd edək ki, "Qəbələ" daha əvvəl İlqar Qurbanov, Aqil Məmmədov, Elvin Məmmədov, Xavyer Ernandes Qonzales və Stiven Jozef-Monrozla anlaşıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi