Bakı. 3 noyabr. REPORT.AZ/ Avropa Liqasının qrup mərhələsində Almaniya "Borussiya"sı (Dortmund) ilə qarşılaşacaq "Qəbələ" klubu bu gün yola düşüb. "Report"un məlumatına görə, futbolçuları aparan təyyarə 4.5-5 saatlıq uçuşdan sonra Dortmund şəhərinə çatacaq.
Hazırlığını Qəbələdə tamamlayan komanda sabah oyunöncəsi son məşqinə Dortmundda oyunun keçiriləcəyi BVB Stadionunda çıxacaq.
Qeyd edək ki, "Borussiya" - "Qəbələ" qarşılaşması noyabrın 5-də keçiriləcək. Oyun Bakı vaxtı ilə saat 22:00-da start götürəcək.