Yuxarı
    Bağlamaq

    “Qəbələ” hollandiyalı futbolçu ilə müqavilə bağlayıb

    27 yaşlı Deyv Bultuis müdafiəçidir

    Bakı. 7 iyul. REPORT.AZ/ “Qəbələ” komandası heyətini daha bir futbolçu ilə gücləndirib. 

    “Report”un klubun rəsmi saytına istinadən verdiyi məlumata görə, əyalət təmsilçisi Deyv Bultuis ilə anlaşıb.

    27 yaşlı hollandiyalı müdafiəçi ilə 3 illik müqavilə imzalanıb.

    1990-cı il iyunun 28-də Hollandiyada anadan olan futbolçu DCG, “Purmersteyn”, “Volendam” və “Utrext”in yeniyetmə komandalarında çıxış edib. Müdafiəçi peşəkar karyerasına da Utrextin eyniadlı təmsilçisində başlayıb. Həm sol cinahda, həm də mərkəzdə çıxış edən Bultuis 2010-2014-cü illərdə “Utrext”in şərəfini qoruyub. 2014-cü ildə Almaniyaya yollanan hollandiyalı son 3 mövsümü “Nürnberq”in heyətində keçirib.

    Qeyd edək ki, 2017/18 mövsümünün hazırlıqlarını Avstriyada davam etdirən “Qəbələ” yay fasiləsi ərzində İlqar Qurbanov, Aqil Məmmədov, Elvin Məmmədov, ispaniyalı Xavyer Ernandes Qonzales, fransalı Stiven Jozef-Monroz, hollandiyalı Dion Malone, şotlandiyalı Endi Hallidey, malili Famoussa Koneni heyətinə qatıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi