Yuxarı

"Qəbələ" Bakı "İnter"inin futbolçusunu icarəyə götürüb

Vojislav Stankoviçlə icarə əsasında 1,5 illik müqavilə imzalanıb

Bakı. 22 iyun. REPORT.AZ/ 2015/2016 mövsümü öncəsi heyətini gücləndirməkdə davam edən “Qəbələ” klubu növbəti futbolçu transferini gerçəkləşdirib. "Report"un məlumatına görə, bu dəfə serbiyalı müdafiəçi Vojislav Stankoviçlə icarə əsasında 1,5 illik müqavilə imzalanıb. 

2014/2015 mövsümünün ikinci yarısında Azərbaycanda çıxış etmiş 28 yaşlı oyunçu Bakı “İnter”inə məxsusdur. Azərbaycan Premyer Liqasında 12 matçda 1 qol vuran Stankoviç “İnter”in heyətində ümumilikdə 16 oyuna çıxıb. O, daha öncə 5 ilədək Serbiya “Partizan”ının (2010-2015), eləcə də  “Dinamo” Vranye (2006-2008) və OFK (2009) klublarında da çıxış edib. 2010-cu ildə Serbiya millisinə çağırılan arxa xətt oyunçusu yığmada 1 oyun keçirib.

Qeyd edək ki, bu, "Qəbələ"nin 9-cu transferidir. Vojislav Stankoviçədək Andrey Popoviç, Məhəmməd Mirzəbəyov, Arif Daşdəmirov, Asif Məmmədov, Samir Zərgərov, Vitali Vernidub, Sergey Zenyov və Aleksey Antonovla müqavilə bağlanılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi