Bakı. 10 mart. REPORT.AZ/ Bu gün futbol üzrə Azərbaycan Premyer Liqasında XIX tura yekun vurulub.
“Report” xəbər verir ki, turun son oyunu "Azərsun Arena”da "Qarabağ"la "Zirə" arasında keçirilib.
Qarşılaşma meydan sahiblərinin 2:0 hesablı qələbəsi ilə başa çatıb. Hər iki qol ilk yarıda vurulub. Əvvəlcə Dani Kintana, daha sonra Elvin Yunuszadə fərqlənib. Bu qalibiyyətdən sonra lider "Qarabağ" xallarını 48-ə çatdırıb. "Zirə" isə 32 xalla 3-cü pillədə qalıb.
Premyer Liqa, XIX tur
19:00. "Qarabağ” – "Zirə” - 2:0
Qollar: Dani Kintana, 23. Elvin Yunuszadə, 35
Hakimlər: Elvin Əsgərov, Namiq Hüseynov, İsgəndər Əliyev, Orxan Məmmədov
AFFA nümayəndəsi: Namiq Məstanov
Hakim-inspektor: Əli Hüseynov
"Azersun Arena”.