Yuxarı
    Bağlamaq

    “Qarabağ” ukraynalı qapıçı transfer edib

    Ağdam təmsilçisi ukraynalı Anton Kanibolotski ilə ikiillik müqavilə imzalayıb

    Bakı. 24 iyun. REPORT.AZ/ 2017/18-ci illər mövsümü üçün heyətini gücləndirməyi davam etdirən “Qarabağ” daha bir futbolçunun transferini reallaşdırıb.

    “Report”un klubun rəsmi saytına istinadən verdiyi məlumata görə, Ağdam təmsilçisi ukraynalı qapıçı Anton Kanibolotski ilə ikiillik müqavilə imzalayıb.

    Qolkiper artıq komandanın Avstriyada davam edən təlim-məşq toplanışına qoşulub. Peşəkar karyerasına Ukraynanın “Dnepr” klubunda başlayan 29 yaşlı çərçivə qoruyucusu daha sonra “Krivbass”a keçib. 2012-ci ildə Donetsk təmsilçisi “Şaxtyor”a transfer olunan qolkiper geridə qalan mövsümün sonuna kimi bu komandada forma geyinib. O, Ukraynanın 21 yaşadək futbolçulardan ibarət yığma komandasına da dəvət alıb.

    Qeyd edək ki, “Qarabağ” yay fasiləsində Bakı “İnter”i ilə müqaviləsinin müddəti başa çatan Abbas Hüseynovu heyətinə qatıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi