Yuxarı
    Bağlamaq

    "Qarabağ" UEFA Gənclər Liqasında "Çelsi"yə böyük hesabla uduzub

    London təmsilçisi 5:0 hesabı ilə qalib gəlib

    Bakı. 12 sentyabr. REPORT.AZ/ "Qarabağ"ın 19 yaşadək futbolçulardan ibarət komandası UEFA Gənclər Liqasında ilk oyununu keçirib.

    “Report” xəbər verir ki, Rəşad Sadıqovun baş məşqçi olduğu kollektiv I tur çərçivəsində İngiltərənin paytaxtı Londonda "Çelsi"nin qonağı olub. Görüşün ilk yarısı qolsuz başa çatıb. Lakin matçın 49-cu dəqiqəsində “Qarabağ”ın futbolçusu İbrahim Qədirzadə qırmızı vərəqə aldıqdan sonra meydan sahibləri say üstünlüyündən lazımınca istifadə edərək, 5:0 hesabı ilə qalib gəliblər.

    Qeyd edək ki, qaydalara əsasən, ÇL-ə vəsiqə qazanan klubların U-19 komandaları avtomatik olaraq Gənclər Liqasında çıxış edirlər. Onların oyunları əsas komandaların qarşılaşmasının keçirildiyi gün olur.

    UEFA Gənclər Liqası

    Qrup mərhələsi, I tur


    "Çelsi” (İngiltərə) – "Qarabağ” (Azərbaycan) - 5:0

    Qollar: Kollum Hadson Odoy, 54. Trevoh Çaloboh, 63; 71; 74. Çarli Braun, 80

    Qırmızı vərəqə: İbrahim Qədirzadə, 49 ("Qarabağ")

    "Çelsi” klubunun təlim-məşq mərkəzinin stadionu

    Baş hakim: Robert Hennessi

    Baş hakimin köməkçiləri: Darraq Kiqan, Darren Keri (hamısı İrlandiya)

    Dördüncü hakim: Con Basbi (İngiltərə)

    UEFA nümayəndəsi: Bert Andersson (İsveç)

    UEFA hakim-inspektoru: Peter Cons (İngiltərə)

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi