Yuxarı
    Bağlamaq

    "Qarabağ" klubu tarixində 6-cı dəfə Azərbaycan Kubokunun qalibi olub

    Ağdam komandası ardıcıl üçüncü mövsümü qızıl dublla başa vurub

    Naxçıvan. 5 may. REPORT.AZ/ Futbol üzrə Azərbaycan Kubokunda final matçı keçirilib. 

    "Report"un məlumatına görə, Naxçıvan Muxtar Respublikasının stadionunda "Qarabağ" və "Qəbələ" klubları üz-üzə gəlib. 

    Görüş Ağdam komandasının qələbəsi ilə yekunlaşıb - 2:0. Hər iki qol ikinci hissədə vurulub. 51-ci dəqiqədə Mahir Mədətov künc zərbəsindən ötürülən topu qapıya göndərib. Oyunda son nöqtəni isə 68-ci dəqiqədə "Qəbələ"nin futbolçusu Ürfan Abbasov qoyub. O, topu öz komandasının qapısına göndərib. 

    Beləliklə, "Qarabağ" ardıcıl üçüncü mövsümü "qızıl "dubl"la başa vurub. Qurban Qurbanovun baş məşqçi olduğu komanda tarixində 6-cı dəfə Azərbaycan Kubokuna sahib olub. 

    Qeyd edək ki, görüş gündüz saatlarında isti hava şəraitində baş tutub. Bununla belə, oyunu 12 minədək tamaşaçı izləyib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi