Yuxarı
    Bağlamaq

    "Qarabağ" klubu Azərbaycan çempionu oldu - FOTO

    Mövsümün bitməsinə 2 tur qalmış Qarabağ çempion adına sahib çıxıb

    Bakı. 16 may. REPORT.AZ/ Bu gün futbol üzrə Azərbaycan Premyer Liqasında XXXIV turun oyunları keçirilib. "Report"un məlumatına görə, turun ikinci oyun günündə 3 qarşılaşma baş tutub.

    "Xəzər Lənkəran" doğma azarkeşlər önündə paytaxtın AZAL klubu ilə qarşılaşıb. Matç "ağ-yaşılların" 1-0 hesablı qələbəsi ilə başa çatıb.

    "Qəbələ" Bakı "İnter"i ilə münasibətlərinə aydınlıq gətirib. Əyalət təmsilçisinin üçüncülük, "bankirlər"in çempionluq uğrunda mübarizə matçında bərabərlik qeydə alınıb - 1:1.

    Turnir cədvəlinin dəyişilməz lideri "Qarabağ" isə "Sumqayıt"la çempionluq görüşüb. Matç Ağdam təmsilçisinin 1-0 hesablı qələbəsi ilə yekunlaşıb. Bununla da mövsümün bitməsinə 2 tur qalmış "Qarabağ" Azərbaycan çempionu adına sahib çıxıb.

    Qeyd edək ki, turun ilk qarşılaşmasında "Simurq" Zaqatalada "Bakı"nı məğlub edib - 4:0.

    Premyer Liqa, XXXIV tur

    16 may (şənbə)

    18:00. "Xəzər Lənkəran” – AZAL (Bakı) - 1:0

    Lənkəran. "Xəzər Lənkəran” mərkəzi stadionu

    20:00. "Qəbələ” – "İnter” (Bakı) - 1:1

    Qəbələ. Qəbələ şəhər stadionu

    20:00. "Qarabağ” (Ağdam) – "Sumqayıt” - 1:0

    Bakı. "Bakcell Arena”

    15 may (cümə)

    17:00. "Simurq” (Zaqatala) – "Bakı” - 4:0

    Zaqatala şəhər stadionu

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi