Yuxarı

Azərbaycan "Qarabağ"ın qələbəsi sayəsində UEFA reytinqində iki pillə irəliləyə bilər

"Qarabağ"ın qələbəsi sayəsində UEFA reytinqində iki pillə irəliləmək

"Qarabağ"ın Avropa Liqasının qrup mərhələsinin IV turunda Kiprdə APOEL-lə keçirəcəyi matçdan sonra Azərbaycan UEFA reytinqində irəliləyə bilər.

"Report"un məlumatına görə, bu, Ağdam təmsilçisi qələbə qazanacağı təqdirdə gerçəkləşəcək. Hazırda 18,500 xala malik Azərbaycan avrokubokda təmsilçisi olmayan Belarusu (18,875) geridə qoyaraq 26-cı yerdən 25-ci pilləyə yüksələcək.

"Qarabağ" APOEL-ə qalib gəlsə, Azərbaycan 24-cü pilləyə də yüksələ bilər. Amma bunun üçün Qazaxıstan "Astana"sı evdə Hollandiya AZ--sinə uduzmalıdır. 

Nikosiyadakı görüşdən sonra kiprlilər də UEFA reytinqində yüksələcəklər. Hazırda 25,250 xalla 16-cı olan ada-dövlət APOEL-in qələbəsi sayəsində 15-ci yerdəki Yunanıstanı (25,300) geridə qoyacaq. Elladalıların avrokubokdakı yeganə təmsilçisi "Olimpiakos" ötən gün Çempionlar Liqasının qrup mərhləsinin IV turunda "Bavariya"ya Almaniyada 0:2 hesabı ilə uduzub və ölkə reytinqinə xal qazandıra bilməyib.

Qeyd edək ki, bu gün keçiriləcək APOEL – “Qarabağ” matçı Bakı vaxtı ilə saat 21:55-də başlayacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi