Yuxarı

"Qarabağ"ın hücumçusu 1 milyon avroya Çin klubuna keçə bilər

"Qarabağ"ın hücumçusu 1 milyon avroya Çin klubuna keçə bilər
Azərbaycanın ən yaxşı legionerinin transferi üçün klublar arasında danışıqlar gedir
© Report/ Firi Salim — "Qarabağ"ın futbolçusu Dino Ndlovu

Bakı. 14 dekabr. REPORT.AZ/ "Qarabağ"ın futbolçusu Dino Ndlovu Çinin "Hançjou Qrintaun" klubuna keçə bilər. "Report"un "Goal.com"a istinadən verdiyi məlumata görə, hazırda iki klub arasında danışıqlar gedir.

CAR (Cənubi Afrika Respublikası) yığmasının hücumçusu Azərbaycan təmsilçisinin heyətindəki çıxışları ilə diqqəti cəlb edib. O, "Qarabağ"ın heyətində Azərbaycan Premyer Liqasının qalibi olub və komandaya Danimarka "Kopenhagen"i ilə "pley-off" mərhələsinin cavab görüşündə Çempionlar Liqasının qrup mərhələsinə vəsiqə qazandıran qolun müəllifi olub.

Onun xidmətləri diqqətdən kənarda qalmayıb. Çin klubu 27 yaşlı forvardı transferi üçün "Qarabağ"la müzakirələrə başlayıb. Sayt yazır ki, Ndlovudan ötrü Ağdam klubuna 1 milyon avro təklif olunub.  

Qeyd edək ki, "Hançjou Qrintaun" hazırda Çin I Liqasında çıxış edir. Bu komandada 2008-ci ildə "Neftçi"nin və hazırkı "Keşlə"nin (keçmiş "İnter" klubu) sabiq yarımmüdafiəçisi Slavço Georgiyevski də forma geyinib. Dino Ndlovu İdman Araşdırmalar Mərkəzinin idman jurnalistləri arasında keçirdiyi sorğu nəticəsində Azərbaycanda "ilin əcnəbi idmançısı" nominasiyası üzrə qalib kimi ötən gün mükafatlandırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi