"Qarabağ"ın futbolçusu İspaniyada əməliyyat olunacaq

Bakı. 7 fevral. REPORT.AZ/ Ağdamın "Qarabağ" klubunun AZAL ilə ölkə çempionatı qarşılaşmasında zədələnən futbolçusu Dani Kintana İspaniyada əməliyyat olunacaq.

"Report" klubun saytına istinadən xəbər verir ki, futbolçu bu gün gecə saatlarında Priney ölkəsinə yollanacaq.

Xaçvari (çarpaz) bağları qırılan Dani Kintananın ən az 6 ay yaşıl meydanlardan uzaq qalacağı ehtimal olunur.