"Qarabağ"ın BATE ilə oyunlarının vaxtı müəyyənləşib

Bakı. 2 avqust. REPORT.AZ/ “Qarabağ”ın Çempionlar Liqasının III təsnifat mərhələsində Belarusun BATE komandası ilə keçirəcəyi hər iki oyunun vaxtı açıqlanıb. 

"Report" Belarus təmsilçisinin saytına istinadən xəbər verir ki, bu komandalar arasındakı ilk matç avqustun 7-də Bakıda Tofiq Bəhramov adına Respublika stadionunda keçiriləcək və saat 21:00-da başlayacaq.

Cavab qarşılaşması isə avqustun 14-də “Borisov Arena”da baş tutacaq. Həmin qarşılaşma da Bakı vaxtı ilə saat 21:00-da start götürəcək.