"Qarabağ"ın Avropa Liqasında rəqibi olmuş klub baş məşqçisi ilə yollarını ayırıb

Avropa Liqasının cari mövsümündə “Qarabağ”la eyni qrupda yer almış Ukraynanın “Vorskla” klubu baş məşqçi Vasili Saçko ilə yollarını ayırıb.

“Report” Poltava təmsilçisinin rəsmi saytına istinadən xəbər verir ki, 44 yaşlı mütəxəssisin müqaviləsinə qarşılıqlı razılaşma əsasında xitam verilib.

2013-cü ildən “Vorskla”ya rəhbərlik edən V.Saçko 3 dəfə komandasını avrokuboka çıxarsa da, cari çempionatda qitə miqyaslı turnirlərə vəsiqə şansı verən ilk “altılığ”a düşə bilməyib. Poltavalılar 22 turdan sonra 29 xalla 7-ci pillədə qərarlaşıblar.

Qeyd edək ki, “Vorskla” “Qarabağ”a Bakıda 1:0 hesabı ilə qalib gəlsə də, Poltavada eyni hesabla uduzub. Hər iki komanda E qrupunu 3 xalla 3-4-cü pillələrdə başa vurub.