Yuxarı

"Qarabağ" - "Göteborq" oyunu rusiyalı hakimlərə tapşırılıb

Oyunu Vladislav Bezborodov idarə edəcək

Bakı. 22 avqust. REPORT.AZ/ Avropa Liqasının "pley-off" mərhələsinin cavab oyununda "Qarabağ" və İsveçin "Göteborq" komandaları arasında keçiriləcək matçın hakim təyinatları açıqlanıb.

"Report"un məlumatına görə, qarşılaşma Rusiyadan olan hakimlərə həvalə olunub. Oyunu Vladislav Bezborodov idarə edəcək. Matçın yan xətt hakimləri Valeri Dançenko və Maksim Qavrilin olacaq. Dördüncü hakim funksiyasını Kirill Levnikov yerinə yetirəcək.

Maykl Tomas Ross hakim-inspektor, belçikalı Conu Vanspauven isə UEFA nümayəndəsidir.

Qeyd edək ki, avqustun 25-də Tofiq Bəhramov adına Respublika Stadionunda keçiriləcək qarşılaşma saat 20:30-da başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi