Yuxarı

Şəfəq Hüseynli: "Qara Qarayev deyirdi ki, məni o siyahıdan çıxarın"

"Qara Qarayev deyirdi ki, məni o siyahıdan çıxarın
© Report/ Firi Salim — Azərbaycan millisinin və "Qarabağ" klubunun yarımmüdafiəçisi Qara Qarayev

Bakı. 25 dekabr. REPORT.AZ/ "Azərbaycan Premyer Liqasında çıxış edən bəzi futbolçular Azərbaycan Milli Anti-Dopinq Agentliyinin (AMADA) test qrupunda yer almaqdan narazıdırlar".

"Report" xəbər verir ki, bunu agentliyin direktoru Şəfəq Hüseynli ilin yekunlarına həsr olunan mətbuat konfransında deyib.

O bildirib ki, qrupda yer almağa etiraz edən futbolçulardan biri də Azərbaycan millisinin və "Qarabağ" klubunun yarımmüdafiəçisi Qara Qarayevdir: "Hər dəfə deyirdi ki, məni həmin siyahıdan çıxarın. Lakin onunla söhbətim oldu, danışdıq. Hər şeyi başa düşdü. Futbolçular anlamalıdır ki, məkan məlumatlarını vaxtında verən idmançılar müəyyən zamandan sonra siyahıdan çıxarılır. Qarayev bizimlə söhbətdən sonra təşəkkür etdi. O, bundan sonra AMADA-nı dəstəkləməyə və qurumun təşkil etdiyi tədbirlərdə iştirak etməyə hazırdır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi