Bakı. 18 aprel. REPORT.AZ/ Türkiyənin "Qalatasaray" klubu futbol üzrə ölkə kuboku ilə vidalaşıb.
“Report” xəbər verir ki, Fatih Terimin komandası "Akhisar Bələdiyyəspor" klubu ilə yarımfinalın cavab oyununda 2:0 hesabı ilə məğlub olub.
Komandalar arasında birinci oyun 2:1 hesabı ilə yekunlaşdığından "Akhisar Bələdiyyəspor" finala yüksəlib.
Matçda hər iki qolu ukraynalı forvard Yevgeni Seleznyev 4 və 35-ci dəqiqələrdə vurub.