Yuxarı
    Bağlamaq

    “Qalatasaray” komandası futbol üzrə Türkiyə kubokunu 16-cı dəfə əldə edib

    “Qalatasaray” bu titula 16-cı dəfə nail olub

    Bakı. 4 İyun. REPORT.AZ/ Futbol üzrə Türkiyə kuboku uğrunda keçirilən yarışın finalında “Bursaspor” komandasını 3:2 hesabı ilə məğlub edən “Qalatasaray” bu titula 16-cı dəfə nail olub.

    "Reeport"un məlumatına görə, oyunun 27-ci dəqiqəsində 11 metrlik cərimə zərbəsini dəqiq yerinə yetirən Fernandao komandasını hesabda irəli çıxarıb – 0:1.

    İlk hissənin sona çatmasına 5 dəqiqə qalmış Burak Yılmaz hesabı bərabərləşdirib.

    İlk hissə 1:1 hesabı ilə başa çatıb.

    İkinci hissəyə sürətlə başlayan “Qalatasaray” 48-ci dəqiqədə Burak Yılmazın dubl etməsi ilə hesabda önə çıxıb – 2:1.

    “Bursaspor” 58-ci dəqiqədə Volkan Şenin qolu ilə hesabı bərabərləşdirsədə, komandanın bu sevinci uzun sürməyib. Belə ki, 2 dəqiqə sonra oyunda het-trik edən Burak Yılmaz “Qalatasaray”a kuboku qazandıran topu rəqib qapısından keçirib – 3:2.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi