Yuxarı

"Qalatasaray"ın sabiq futbolçusu azarkeşlərin hücumuna məruz qalıb

"Qalatasaray"ın sabiq futbolçusu azarkeşlərin hücumuna məruz qalıb
İsveçrəli yarımmüdafiəçi fanatlara imza payladığı vaxt fiziki təzyiqlə üzləşib

Bakı. 6 aprel. REPORT.AZ/ Hazırda İtaliyanın "Bolonya" klubunda çıxış edən Türkiyə "Qalatasaray"ının sabiq futbolçusu Blerim Cemayli azarkeşlərin hücumuna məruz qalıb.

"Report"un məlumatına görə, isveçrəli yarımmüdafiəçi məşqdən çıxankən fanatlara imza payladığı vaxt fiziki təzyiqlə üzləşib.

Fanatlarla görüşü dayandırmaq istəyən və əsəbiləşərək avtomobilinə yaxışlaşan 32 yaşlı oyunçu ilə bu zaman 3 nəfər mübahisə edib. Həmin vaxt azarkeşlərdən biri Cemayliyə yumruq atıb. Heç bir xəsarət almayan futbolçu daha sonra avtomobilinə minərək yoluna davam edib. Klub rəhbərliyi polis çağırsa da, həmin şəxslər hadisə yerindən uzaqlaşıblar.

Qeyd edək ki, Blerim Cemayli Türkiyənin "Qalatasaray" klubunda 2014 - 2016-cı illərdə forma geyinib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi