Yuxarı
    Bağlamaq

    "Qalatasaray"ın keçmiş məşqçisinin meyiti tapılıb

    Klub onu işdən çıxardıqdan sonra depressiyada olub

    Bakı. 25 mart . REPORT.AZ/ Türkiyənin "Qalatasaray" klubunun 21 yaşadək futbolçulardan ibarət komandasının sabiq məşqçisi Zafer Koç ölü halda tapılıb. "Report"un məlumatına görə, 2 uşaq atası olan Z.Koç ötən gün evini tərk edib.

    Həyat yoldaşı dəfələrlə zəng etsə də, o, telefonunu açmayıb. Bu gün səhər isə sabiq məşqçinin meyiti bir mənzildən aşkarlanıb. Ölünün üzərində zərbə və ya yara izinə rast gəlinməyib. Ölüm səbəbinin müəyyənləşdirilməsi məqsədilə onun cənazəsi tibbi ekspertizaya göndərilib.

    Qeyd edək ki, "Qalatasaray" klubu 51 yaşlı Zafer Koçu 2 ay öncə işdən çıxarıb. Həmin vaxtdan o, depressiyada olub. Z.Koç klubun aşağı yaş qrupları üzrə komandasında Arda Turan, Aydın Yılmaz, Mehmet Güven, Uğur Açar və Fərhat Öztorun kimi futbolçulara məşqçilik edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi