Bakı. 29 iyun. REPORT.AZ/ Türkiyənin "Qalatasaray" klubunun futbolçusu Xose Rodriges Almaniya "Maynts"ına transfer olunub. "Report"un "Maynts"ın rəsmi saytına istinadən verdiyi məlumata görə, 21 yaşlı yarımmüdafiəçi ilə 4 illik müqavilə bağlanılıb.
O, təqdimat mərasimində yeni komandasında özünü ən yaxşı tərəfdən göstərməyə hazır olduğunu bildirib.
Qeyd edək ki, Xose Rodriges "sarı-qırmızılar"a ötən mövsüm İspaniya "Kastilya"dan keçib. O, Super Liqada 14 oyuna çıxıb.