Yuxarı
    Bağlamaq

    ​"Qalatasaray" 5-ci dəfə Türkiyə Super Kubokunu qazanıb

    Sarı-qırmızılar Beşiktaşla üz-üzə gəliblər

    Bakı. 14 avqust. REPORT.AZ/ Türkiyə Super Kubokunun sahibi müəyyənləşib.

    "Report"un məlumatına görə, mövsümün ilk titulu uğrunda görüşdə "Beşiktaş"la "Qalatasaray" üz-üzə gəlib.

    Konya şəhərindəki "Böyükşəhər" stadionunda keçirilmiş görüşün əsas vaxtı qolsuz, əlavə vaxtı 1:1 hesablı heç-heçə ilə nəticələnib. 100-cü dəqiqədə "sarı-qırmızılar"dan Hakan Balta fərqlənib. 107-ci dəqiqədə isə onun komanda yoldaşı topu öz qapısına vurub. Matçın taleyini penaltilər seriyası həll edib. "Beşiktaş"ın 3 penaltisi dəqiq olmayıb. Onlardan 2-sini "Qalatasaray"ın qapıçısı Fernando Muslera dəf edib. "Qalatasaray"dan isə Selçuk İnan, Hakan Balta və Tolqa Cigerçi toru dəqiq nişan alıb.

    Beləliklə, "Qalatasaray" tarixində 5-ci dəfə Türkiyə Super Kubokuna sahib olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi