Prosineçki Xorvatiyada istehsal olunan dondurma brendinin Azərbaycandakı təmsilçisi olub

Bakı. 10 yanvar. REPORT.AZ/ Azərbaycan milli komandasının baş məşqçisi Robert Prosineçki Xorvatiyada istehsal olunan "Ledo King" dondurmalarının rəsmi təmsilçisi olub. 

"Report"un məlumatına görə, bununla əlaqədar Zaqrebdə xorvatiyalı mütəxəssislə şirkətin marketinq və inkişaf üzrə direktoru Ana Ştebiç arasında əməkdaşlıq müqaviləsi bağlanılıb.

A.Stebiç bildirib ki, "Ledo" 5 ildir Azərbaycan bazarındadır və Prosineçkinin də sevdiyi dondurmalardandır. O, əfsanəvi futbolçu ilə əməkdaşlıqdan məmnunluq ifadə edib və inandığını bildirib ki, məşhur mütəxəssisin beynəlxalq uğurları bu brendin Azərbaycanda gələcək inkişafına töhfəsini verəcək.

Qeyd edək ki, "Ledo" dondurmaları Azərbaycandan əlavə, Bosniya və Herseqovina, Macarıstan, Sloveniya, Norveç, ABŞ, BƏƏ və Liviya kimi ölkələrə göndərilir.