Yuxarı

​Prosineçki: "Makedoniya və Kanada ilə oyunlarda bəzi şeyləri sınaqdan keçirmək istəyirəm"

Andorra ilə oyundan razı qalmadım

Bakı. 27 may. REPORT.AZ/ "Oynamaq istəməyən rəqibə qarşı oynamaq çox çətindi. Nəticəyə baxmayaraq birinci hissədən razı, ikinci hissədən narazı qaldım. Oyunumuz alınmadı, top saxlaya, hücum qura, cinahlardan aktiv istifadə edə bilmədik".

"Report" AFFA-nın saytına istinadən xəbər verir ki, bunu mayın 26-da Avstriyanın Bad Erlah şəhərində keçirilmiş Azərbaycan – Andorra oyunundan sonra (0:0) millimizin baş məşqçisi Robert Prosineçki deyib.

“Ancaq tam narazı qaldığımı da deyə bilmərəm. Əsas heyətin 9 üzvünün bugünkü oyunda iştirak etmədiyini də unutmayaq. Meydana əsasən gənclərdən ibarət heyətlə çıxmışdıq. Biz daha yaxşı oynaya bilirik. Təəssüf ki, bu gün potensialımızı tam aça bilmədik. Gözəl futbol üçün hər iki komanda oynamalı, istəkli olmalıdır. Amma rəqib buna imkan vermədi.

Gənc oyunçular pis təsir bağışlamadı, ancaq ümumi götürdükdə razı qalmadım. Budaq Nəsirov, Adil Nağıyev və Tərlan Quliyev kimi oyunçular əsas millinin formasını ilk dəfə geyinirdilər.

Makedoniya və Kanada ilə oyunlarda bəzi şeyləri sınaqdan keçirmək istəyirəm”, - deyə baş məşqçi diqqətə çatdırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi