Bakı. 8 avqust. REPORT.AZ/ Bu gün Topaz Premyer Liqasının 2016/2017 mövsümünün ilk turuna yekun vurulacaq. "Report"un məlumatına görə, turun son oyununda "Qəbələ" və "Kəpəz" komandaları üz-üzə gələcək.
Qarşılaşma "Dalğa Arena"da keçiriləcək. Ötən mövsüm mükafatçılar sırasına düşən "qırmızı-qaralar" bu dəfə daha iddialı çıxış etmək niyyətindədir. "Kəpəz" isə ən azından son mövsümdəki kimi avrokuboklara vəsiqə uğrunda mübarizə aparacaq. Komandalar bugünədək ölkə çempionatında 12 dəfə üz-üzə gəliblər. Hərəyə 4 dəfə qələbə qazanan tərəflər meydanı eyni sayda sülhlə tərk ediblər.
8 avqust (bazar ertəsi)
19:00. "Qəbələ" – "Kəpəz"
Hakimlər: Fariz Yusifov, Vaqif Musayev, Nahid Əliyev, Knyaz Əmiraslanov
Əlavə köməkçi hakimlər: Orxan Məmmədov, Rəvan Həmzəzadə
AFFA nümayəndəsi: Elbrus Abbasov
Hakim inspektor: Xaqani Məmmədov
Bakı. "Dalğa Arena"
Qeyd edək ki, turun digər qarşılaşmalarında "Neftçi" AZAL-ı 2:0, "Sumqayıt" "Zirə"ni 1:0, "İnter" isə "Qarabağ"ı 2:1 hesabı ilə məğlub edib.