Yuxarı

Azərbaycan Premyer Liqası: "Neftçi" "Sumqayıt"a məğlub olub

Premyer Liqa: "Neftçi" "Sumqayıt"a məğlub olub

Futbol üzrə Azərbaycan Premyer Liqasında XXVI turun son oyunu keçirilib.

"Report"un məlumatına görə, "Neftçi" "Bakcell Arena"da "Sumqayıt" komandasını qəbul edib.

Görüş "Sumqayıt"ın 3:2 hesablı qələbəsi ilə başa çatıb.

Matçda hesab 7-ci dəqiqədə açılıb. "Neftçi"nin kapitanı Ruslan Abışov komandasını önə keçirib. Qarşılaşmanın 31-ci dəqiqəsində Əmir Ağayev hesabı bərabərləşdirib. 41-ci dəqiqədə qonaq komanda hesabda önə keçib. Ülvi İsgəndərov Əmir Ağayevin ötürməsini qola çevirib.

İkinci hissəyə hücumlarla başlayan "Neftçi" 72-ci dəqiqədə istəyinə nail olub. Baqoli Dabo qapıçıdan qayıdan topu qüvvətli zərbə ilə tordan keçirib. 5 dəqiqə sonra Murad Xaçayev "Sumqayıt"ı yenidən önə keçirib.

Bu qələbə sayəsində xallarının sayını 23-ə çatdıran "Sumqayıt" 7-ci sıradakı yerini qoruyub. Doğma meydanda məğlub olan "Neftçi" isə çempionluq yarışında ağır zərbə alıb. Sona 2 tur qalmış lider "Qarabağ" ən yaxın izləyicisini 5 xal qabaqlayır.

Qeyd edək ki, günün digər oyunlarında "Səbail" evdə "Qəbələ"ni 2:1, "Qarabağ" isə səfərdə "Zirə"ni 3:0 hesabı ilə məğlub edib. Debütant "Sabah" doğma meydanda "Keşlə" ilə 1:1-lik heç-heçə edib. Azərbaycan Premier Liqasına 60 xal ilə "Qarabağ" başçılıq edir.

Manaf Qasımbəyli

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi