Yuxarı
    Bağlamaq

    Bu gün "Qarabağ" və "Qəbələ" komandaları qarşılaşacaq

    Qalib komanda turnir cədvəlinin lideri olacaq

    Bakı. 29 noyabr. REPORT.AZ/ Bu gün futbol üzrə Azərbaycan Premyer Liqasında XIII tura yekun vurulacaq.

    "Report"un məlumatına görə, turun son oyununda turnir cədvəlinin ilk pillələrini bölüşən "Qarabağ" və "Qəbələ" komandaları qarşılaşacaq.

    Oyun "Azərsun Arena"da keçiriləcək. Matçda qalib gələn komanda turnir cədvəlinin lideri olacaq. Qarşılaşma bərabərliklə başa çatarsa, komandaların mövqeyi dəyişməyəcək. Hər iki komandanın aktivində 28 xal var.

    Komandalar bu günə qədər 33 oyunda qüvvəsini sınayıb. Bu qarşılaşmaların 15-i "Qarabağ"ın, 8-i isə "Qəbələ"nin qələbəsi ilə başa çatıb. Qalan 10 oyunda isə bərabərlik qeydə alınıb. Son 6 oyunun hər birində qapılara ən azı 2 qol vurulub. "Qəbələ" son 6 matçda yalnız 1 qələbə qazanıb.

    Azərbaycan Premyer Liqası, XIII tur

    29 noyabr

    19:00. "Qarabağ" - "Qəbələ"

    Hakimlər: Rəhim Həsənov, Namiq Hüseynov, Akif Əmirəli, Coşqun Həsənov

    Əlavə köməkçi hakimlər: Əliyar Ağayev, Orxan Məmmədov

    AFFA nümayəndəsi: Ramiz Mustafayev

    Hakim-inspektor: Məlik Həsənov

    Bakı. "Azersun Arena"

    Qeyd edək ki, turun ilk oyun günündə "Kəpəz" Gəncədə "Neftçi"ni 2:0 hesabı ilə məğlub edib. AZAL - "Sumqayıt" və "Zirə" - "İnter" oyununda isə komandalar hərəyə bir qol vurub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi