Bakı. 3 iyun. REPORT.AZ/ Polis FİFA-nın Surixdəki mənzil-qərargahına basqın edib.
"Report"un "Anadolu"ya istinadən verdiyi məlumata görə, ofisdəki sənədlər və elektron məlumatlar müsadirə olunub.
İsveçrə məhkəməsinin qərarına əsasən həyata keçirilən əməliyyatın FİFA-nın sabiq prezidenti Yozef Blatter və qurumun sabiq baş katibi Jerom Valke ilə bağlı olduğu bildirilib.
Qeyd edək ki, FİFA-nın Etika Komitəsi rüşvət almaları ilə bağlı Blatteri 6, Valkeni isə 12 il müddətinə futbol müsabiqələrində fəaliyyətdən kənarlaşdırıb.