Yuxarı
    Bağlamaq

    Platini futbola bir neçə yenilik gətirmək istəyir

    FİFA prezidenti postuna namizəd dünya çempionatında komanda sayını artırmaq və ağ vərəqə tətbiq etmək niyyətindədir

    Bakı. 3 avqust. REPORT.AZ/ FİFA prezidenti postuna əsas namizəd olan Mişel Platini dünya çempionatının final mərhələlərində iştirakçıların sayını 32 ölkədən 40-a çatdırmaq istəyir. "Report"un "AS" nəşrinə istinadən verdiyi məlumata görə, fransalı funksioner daha öncə Avropa çempionatı üçün də eyni addımı atıb. 

    O, 2016-cı ildə Fransada keçiriləcək çempionatda komanda sayını 16-dan 24-ə qaldırıb. 

    M.Platininin daha bir yeniliyi ağ vərəqənin tətbiqi ilə bağlıdır. Bu, meydandan 10 dəqiqəlik qovulmanı nəzərdə tutur. Nəhayət, UEFA prezidenti 18 yaşdan aşağı futbolçuların transferini qadağan etmək istəyir. 

    Qeyd edək ki, Mişel Platini FİFA prezidenti postuna namizədliyini ötən həftə rəsmən açıqlayıb. Seçki 26 fevral 2016-cı ildə Sürixdə keçiriləcək. Ali futbol qurumunun hazırkı prezidenti Yozef Blatter mayın 29-da 5-ci müddətə bu vəzifəyə seçilsə də, bir neçə gün sonra postundan getdiyini açıqlayıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi