Bakı. 26 iyun. REPORT.AZ/ Peru yığmasının futbolçusu Cefferson Farfan məşq zamanı zədələndiyi vaxt 30 dəqiqə komada qalıb.
"Report" xəbər verir ki, bu barədə 34 yaşlı hücumçunun qardaşı TASS-a açıqlama verib. O bildirib ki, Farfan məşqdə komanda yoldaşı ilə toqquşaraq huşunu itirib və təcili yardımla xəstəxanaya aparılıb.
Təcrübəli futbolçunun hazırkı vəziyyəti isə sabitdir. O, DÇ-2018-in son qrup oyununda iştirak etməyəcək.
Qeyd edək ki, Peru yığması C qrupundakı ilk iki oyunda məğlub olub. Növbəti mərhələ şanslarını itirən komanda bu gün Bakı vaxtı ilə saat 18:00-da Avstraliya ilə qarşılaşacaq.