Futbol üzrə Paraqvay millisinin yeni baş məşqçisi bəlli olub

Bakı. 18 fevral. REPORT.AZ/ Futbol üzrə Paraqvay milli komandasının yeni baş məşqçisi müəyyənləşib.

"Report" Paraqvay Futbol Federasiyasının rəsmi saytına istinadən xəbər verir ki, komanda Eduardo Berissoya tapşırılıb. Onunla imzalanan müqavilənin detalları açıqlanmayıb.

Qeyd edək ki, Eduardo Berisso İspaniyanın "Atletik", "Sevilya" və "Selta" klublarına da rəhbərlik edib.