Yuxarı
    Bağlamaq

    PAOK-un legioneri: "Qarabağ" 2 il öncəkindən daha güclüdür"

    Qarabağı udsaq qrupun əsas favoritlərindən biri olacağıq

    Bakı. 3 noyabr. REPORT.AZ/ "Qarabağ"la "Dnepr"də oynadığım vaxtdan tanışam. İki il öncə qrupda bu komandaya qarşı oynamışam. "Qarabağ"ın çox güclü rəqib olduğunu həmin vaxtdan bilirəm".

    "Report" xəbər verir ki, bu fikirləri "Qarabağ"ın Avropa Liqasının qrup mərhələsində rəqibi olan PAOK-un legioneri Leo Matos bu gün keçirilən mətbuat konfransında bildirib.

    Onun fikrincə, Azərbaycan çempionu 2 il öncəkindən daha güclür:

    "Növbəti mərhələ uğrunda mübarizədə əsas rəqibimiz məhz "Qarabağ"dır. Rəqib nə qədər güclü olsa da biz də yaxşı kollektivə malikik. PAOK kompakt komandadır. Baş məşqçimiz bizə səhvlərimzi başa salmaqla yanaşı, lazımi tapşırıqlarını da verib".

    Braziliyalı müdafiəçinin sözlərinə görə, sabahkı matç 1/16 finala vəsiqə baxımından həlledici olacaq:

    "Bizim daha yaxşı şansımız var. Çexiyada "Slovan"a qalib gəlmişik, "Fiorentina" ilə isə evdə heç-heçə etmişik. Yeganə məğlubiyyətimizi "Qarabağ"dan almışıq. Bunu sabah qalib gəlməklə sığortalaya bilərik. 3 xal qazananağımıza inanıram. Buna nail olsaq, 7 xalımız olacaq və qrupun əsas favoritlərindən biri olacağıq. Bu zaman "Qarabağ”ı qabaqlayacağıq. Uduzacağımız halda isə rəqib bizdən 3 xal öndə olacaq və bu zaman işimiz çətinə düşəcək. Ona görə də məqsədimiz yalnız qələbə qazanmaqdır”.

    Ev oyunu ilə bağlı çox nikbin olan Maros meydanda diqtə edən tərəf olacaqlarını söyləyib:

    "Üstəlik, güclü azarkeş dəstəyinə çox güvənirik. İnanıram ki, matç günü stadionumuz dolu olacaq və rəqib səfərdə oynadığını hiss edəcək”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi