Yuxarı
    Bağlamaq

    Orxan Sadıqlı: "Rəqib meydanında altı top buraxmaq faciədir"

    “Xəzər Lənkəran” komandasının qapıcısı 0:6 hesablı məğlubiyyəti şərh edib

    Qəbələ. 5 oktyabr. REPORT.AZ/ “Faciə idi. Yuxu kimiydi. Ayılmamışam. Danışmağa söz tapmıram. Özümüz özümüzdən utanırıq”. “Report”-un məlumatına görə bunu “Xəzər Lənkəran” komandasının qapıcısı Orxan Sadıqlı “Qəbələ” klubu ilə Azərbaycan Premyer Liqasının VII tur qarşılaşmasından sonra jurnalistlərə deyib.

    22 yaşlı qolkiperin sözlərinə görə, “Qəbələ” ilə oyun ən çətin qarşılaşmalardan biri olub. O, qeyd edib ki, böyük hesablı məğlubiyyət ümumilikdə klubun gələcəyi və hər bir futbolçunun karyerası üçün mənfi göstəricidir: “Bugünkü oyun son 5 qarşılaşma içində ən bərbad olanı idi. Bunu xatırlamaq istəmirəm. Rəqib meydanında 6 top buraxmaq faciədir. Hamımız “sıfır” oynadıq. Bu, komandanın səhvidir”.

    Qeyd edək ki, Azərbaycan Premyer Liqasında VII turun son oyununda “Xəzər Lənkəran” “Qəbələ”yə 0:6 hesabı ilə məğlub olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi