Yuxarı

"Qəbələ" nigeriyalı futbolçu ilə müqavilə bağlayır

İsa Şerif Ukrayna çempionatında oynamış 10-cu futbolçudur

Bakı. 17 mart. REPORT.AZ/ Ukraynanın "Olimpik" (Donetsk) klubunun sabiq futbolçusu İsa Şerif "Qəbələ"də baxışdadır. "Report"un Ukrayna mətbuatına istinadən verdiyi məlumata görə, 25 yaşlı yarımmüdafiəçi Azərbaycan klubu ilə müqavilə imzalamağa gəlib.

Onun keçidi azad agent kimi gerçəkləşəcək. Bu halda, baş məşqçi Roman Qriqorçuk Ukrayna çempionatında çıxış etmiş 10-cu futbolçunu hazırkı komandasına cəlb edəcək.

"Qəbələ"nin meneceri Səbuhi Səfiyarlı "Report"a açıqlamasında İ.Şerifin hazırda baxışda olduğunu bildirib. Onun sözlərinə görə, hələ müqavilə ilə bağlı qərar verilməyib. Yaxın günlərdə məsələ dəqiqləşəcək".

Qeyd edək ki, İsa Şerifin "Olimpik"lə müqaviləsi 2015-ci ilin dekabrında başa çatıb. Bu ilin yanvarında o, Qazaxıstan "Kayrat"ının düşərgəsinə yollansa da, baxışdan keçə bilməyib. Baş məşqçi Aleksandr Borodyuk Şeriflə müqavilə bağlanılmamasını qərara alıb.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi