Yuxarı

"Neftçi" yoxlama oyununda "Sumqayıt"a uduzub

Elxan Abdullayev Mahir Şükürovla baxışda olan 3 oyunçunu sınaqdan çıxarıb

Bakı. 8 oktyabr. REPORT.AZ/ Milli komandaların oyunları ilə əlaqədar fasilədən yararlanan "Sumqayıt" və "Neftçi" komandaları yoldaşlıq görüşündə üz-üzə gəlib. 

"Report"un məlumatına görə, Sumqayıtdakı "Kapitan Bank Arena"da keçirilən görüş meydan sahiblərinin qələbəsi ilə yekunlaşıb.

Yeganə qolu Süleyman Əhmədov vurub.

Bu görüşdə "Neftçi"nin baş məşqçisi Elxan Abdullayev komandada bir müddətdir məşq edən Mahir Şükürov, eləcə də baxışa gələn 3 əcnəbi oyunçunu sınaqdan çıxarıb. Şükürov ikinci hissədə meydanı tərk edibsə, serbiyalı qapıçı Boban Baykoviç, latviyalı yarımmüdafiəçi Aleksandr Fertov və braziliyalı orta sahə oyunçusu Jonas Enrike Pessalli sonadək meydanda olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi