Yuxarı

"Neftçi"nin qapıçısı: "Ümid edirəm ki, karyeramı Bundesliqada davam etdirəcəyəm”

Emil Balayev Almaniyanın Ayntraxt klubunun əsas komandasında məşq keçir

Bakı. 4 dekabr. REPORT.AZ/ Bakının “Neftçi” klubunun Almaniyanın “Ayntraxt” komandasında baxışda olan qapıçısı Emil Balayev Azərbaycana dekabrın 12-də qayıdacaq. "Report"un məlumatına görə, bu barədə gənc qolkiperin özü paytaxt təmsilçisinin rəsmi saytına açıqlama verib. 

Balayev məşqlərin çox yüksək səviyyədə keçdiyini bildirib: "Burada özümü yaxşı tərəfdən göstərməyə çalışıram. Dekabrın 12-dək “Ayntraxt”ın əsas komandası ilə birlikdə hazırlığım davam edəcək. Bundan sonra “Neftçi”nin düşərgəsinə qayıdacağam. Ümid edirəm ki, bəyəniləcəyəm və karyeramı Bundesliqada davam etdirəcəyəm”.

Qeyd edək ki, Emil Balayev "Ayntraxt"ın düşərgəsinə noyabrın 26-da yollanıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi